2e dimanche de l’Epiphanie

Omnis terra adóret te, Deus, et psallat tibi : psalmum dicat nómini tuo, Altíssime.

V/. Iubiláte Deo, omnis terra, psalmum dícite nómini eius : date glóriam laudi eius.

Misit Dóminus verbum suum, et sanávit eos : et erípuit eos de intéritu eórum.

V/. Confiteántur Dómino misericórdiæ eius : et mirabília eius fíliis hóminum.

Laudáte Dóminum, omnes Angeli eius

V/. laudáte eum, omnes virtútes eius. Allelúia.

Iubiláte Deo, univérsa terra : psalmum dícite nómini eius : veníte et audíte, et narrábo vobis, omnes qui timétis Deum, quanta fecit Dóminus ánimæ meæ, allelúia.

Dicit Dóminus : Implete hýdrias aqua et ferte architriclíno. Cum gustásset architriclínus aquam vinum factam, dicit sponso : Servásti bonum vinum usque adhuc. Hoc signum fecit Iesus primum coram discípulis suis.

Puer nobis nascitur
Rector angelorum;
In hoc mundo pascitur
Dominus dominorum.

In præsepe ponitur
Sub fœno asinorum.
Cognoverunt dominum
Christum regem cœlorum.

Hinc Herodes timuit -
Magno cum dolore,
Et pueros occidit,
Infantes cum livore.

Qui natus est ex Marie -
Die hodierna
Ducat nos cum gratia
Ad gaudia superna.

O et A et A et O
Cum cantibus in choro,
Cum canticis et organo,
Benedicamus domino.