Pâques

Resurrexi et adhuc tecum sum. Posuisti super me manum tuam. Mirabilis facta est scienta tua.

V./ Domine probasti me et cognovisti me, tu cognovisti sessionem meam et resurrectionem meam.

Haec dies quam fecit Dominus
exsultemus et laetemur in ea.

V./ Confitemini Domino, quoniam bonus : quoniam in saeculum misericordia eius.

Alleluia

V./ Pascha nostrum immolatus est Christus.

Sq./ Victimæ paschali laudes immolent Christiani. Agnus redemit oves : Christus innocens Patri reconciliavit peccatores.
Mors et vita duello conflixere mirando : dux vitæ mortuus regnat vivus.
Dic nobis Maria, quid vidisti in via ?
Sepulcrum Christi viventis, et gloriam vidi resurgentis : Angelicos testes, sudarium, et vestes. Surrexit Christus spes mea : præcedet suos in Galilæam.
Scimus Christum surrexisse a mortuis vere : tu nobis, victor Rex, miserere. Amen. Alleluia.

Terra tremuit et quievit dum resurgeret in judicio Deus.

Pascha nostrum immolatus est Christus : itaque epulemur in azimis sinceritatis et veritatis.